Dialing back the clock for 18 months, I had participated in a marathon that the outcome was so bad that I deeply regret. It was the Laguna marathon in Phuket of Thailand. Basically, I stopped running at 27km and walked back. The time taken at 5:17 wasn’t too bad as…

首先，係冇諗過要搞七個月 展示吓個成品先：https://youtu.be/o9wHhiAjL6w 過咗南洋後有個習慣，係喺YouTube上面四週睇，搵啲歌嚟練吓。目標好簡單，最好係三分鐘內，因為唔洗練好耐；又可以當練習背咗佢，之後隨時可用——萬一去到啲有部鋼琴當裝飾品既場合，俾人知道識彈琴就實會「獲邀」（其實係被逼居多）要彈幾吓「表演」（當眾出醜是也）吓。 唔知呢啲算係乜嘢「社交禮儀」：一般人自以為係「出於禮貌」要邀請、彈琴嗰個又要「出於禮貌」敷衍幾吓。但其實叫人彈嗰個自己一係唔識一係其實唔想聽、彈嗰個又唔係靠彈琴搵食鬼會一坐低就彈到呢。我記得中一時有個聽講係跑馬頭既器樂老師都同我講過，隨時都要有幾首歌彈吓——做乜彈琴要搞到咁麻煩？ 後來，個社會變態到學音樂入學有分加而彈琴「因為太普通」所以又唔算數就更加痴線啦。 講返轉頭，我喺YouTube遊嗰陣，搵到一隻兩分鐘左右，由日本音樂家marasy8 在2009年未夠廿歲時上載的一首鋼琴協奏曲「蠍火」（Anti-ares）的鋼琴獨奏曲濃縮版。兩分鐘之間，琳瑯滿目，大小快慢厚薄悲喜一應俱全，唔難聽又好睇（非常重要），一睇就知「就係佢喇」。跟住再搵落去，發覺呢隻歌係機舖鍵盤遊戲beatmaniaIIDX隱藏關卡（即爆咗機先有得玩嗰啲）既歌，而首歌係遊戲公司自己搵人仿Rachmaninov作既（所以睇落好睇、彈落好難、內容又十分豐富）。遊戲版本就係約兩分半鐘，不過marasy超快手就兩分鐘搞掂。

K576第三樂章 呢個樂章前後一共用咗成三個月先練好背埋錄得。背歌難，要追得上速度而又彈得啱仲難。每四個小節就有唔同既花樣，梅花間竹咁，所以要抽一小句出嚟練其實都幾麻煩；呢啲歌一句接一句，幾呼冇停手，要反覆操練嗰啲十六分既三連音要多花心思，剪裁好要練既小節先可以開始。 彈呢啲標準到唔恨既古典音樂最大既樂趣係，可以worry free咁不停咁彈，彈好多次都唔會悶。只係啲滾動式既快速樂句，彈得快時又會出汗，要開住風扇彈先可以彈好耐。以前都講過啦，彈古典音樂既嘢，最大既好處係彈熟咗就可以進入冥想既境界，放鬆心裡腦悝面既煩結，係調劑心情既好方法。 呢首K576，上網睇係莫扎特最難彈既奏鳴曲。睇譜係睇唔出咁撓手指，練落先知難彈。點都好啦，終於玩晒。三個樂章都喺自己彈到「咁上下」既水準時錄低咗，之後彈唔返都唔懊悔。 可以去玩其他彈喇！

I am living in a late-coming country to “enjoy” the pandemic lifestyle. After most of the developed world has tightly locked down for more than a year, when most people are grounded at home and cannot go any where other than occasionally buying life essentials, it is now my turn. …

三個月前寫過一篇講莫扎特既奏鳴曲，當時就係剛剛開始彈呢首歌，摸緊啲音既階段。擾擾攘攘咗幾個月，背咗首歌，想喺叫做彈得熟時錄低咗佢，免得生疏之後彈唔返又唔想又頭練過。 結果搵咗日公假冇咩嘢做(因為瘟疫強勢回歸又就快封城喇)，一頭汗咁錄足一日。 查實自己平時彈，有啲甩漏冇乜所謂，自己爽就得。到要錄底時，好多平時唔覺唔覺既窿就萬倍放大出嚟，心緒總是不靈，每一猶疑就彈錯，一錯就兜唔返，好好地一首歌就咁冚包散。 所以去到最後，要剪埋三個片斷先至成到一隻「聽」落完整既版本。「睇」就唔完整喇，次次彈時體位都唔同，大家唔介意就唔好睇齋聽啦。 為咗整條片，又逼自己學多咗少少iMovie既剪接功能——我就係咁即食，即學即用；日常想認真學，一係就半途(其實係十劃得一撇時)而廢，一係就水過鴨背，轉頭就唔記得。上次用iMovie時已係被迫(又係被迫)要整條三幾分鐘既所謂童年片結婚party時用，當時學到啲嘢，今次都算用得返吓。

Apparently there are lots of reasons to run in a park — runners can avoid the traffic, the refreshing greenery everywhere, the encouraging vibes available because most other people are there for leisure and fun, the tracks are often time more well paved or at least basically maintained etc. Unless…

花咗三個禮拜練一首歌當係生日前既挑戰後，除咗喺呃咗一推仲用緊臉書既朋友既like之外，亦俾個機會自己審視吓生活既態度同方向。固然我可以柴娃娃咁求其彈，搞吓呢搞吓路，不過咁樣係無法維持落去既，搞搞吓就會了無興趣可言。我哋係事不事需要shake up 一吓，換吓方法同節奏，調劑心情之餘，亦希望可以有所得著。娘啲講係趁勢富豐吓人生經驗，等自己有多啲唔同既領悟，從而可以睇到更多更遠。 錄完post完隻歌後其實對自己既表現唔太滿意，畢竟呢啲「演嘢」既歌，都要幾專業既水平先有足夠斤兩彈得好。區區廿二日，彈得晒叫做做到第一層，往上仲有好多級可以走哩。 點都好啦，都集中精神乜都拋開晒咁去練，最後一個星期我練步都唔跑，仲有一日請假唔返工煲添。而家事情已經過去咗，都應該好好規劃返自己個routine，想想下一個屆段點樣先可以開心又精彩咁走落去。 首先我放咗自己兩日假。係兩日完全唔彈琴既日子。想俾自己啲手指休息吓，特別係裂咗既左尾指肉埋返口先。

I read here and there that there is a quite common advice that it is not desirable to run before sleeping. The theory is that with one’s metabolism heated up, it would be quite difficult and time wasting to cool it back down to the level suitable for sleeping. …

玩完喇 – 最終條片四分幾鐘，即係彈唔到應有既速度啦。 提速呢啲嘢，係冇捷徑既。冇啱既方法、同埋俾心機時間，係練唔到上去既。今次用咗廿二日，叫做彈得晒，但去到下半首每四小節就有新花款既花式，實在係好大既挑戰。 練到最後三日，好明顯係太耐冇認真練琴啦，左手尾指指甲因為不斷重覆擠壓而𠝹開咗啲手指肉，每用一次隻左尾指就痛一下。好彩個裂口唔算深，冇血滲出嚟。因此，嗰幾日直到拍攝時，左尾指都係包住膠布以固定住個裂口，咁彈落去就唔會痛。不過由於觸感唔同咗，要花咗啲時間去重新適應。若眼利應可以見到我左尾指係用塊所謂既透明膠布包住既。 到錄既時候，由於想用早上剛天光都市景做背景，六點天快光時就起身練住先。我又搞咗幾個月都未搵到點樣用數碼鋼琴既輸出直接收音，只好現場收音，所以亦唔可太早開始開聲彈。練到差唔多八點先開始第一個take。 前後錄咗七八次，頭幾次一有個鏡頭對住就緊張起嚟，搞到句句都彈錯。之後掌握返個自己較有把握住持穩定既速度，終於錄到一次就算有錯都喺唔睇住譜都未必太覺既版本，就收貨算啦。其實頭幾次錄時覺得都錯得幾難見得人，有諗過不如逐句錄然後剪埋一齊，但咁欺場既嘢暫時未過到自己嗰關（留返下次啦），所以彈得點衰都想出個一take過既版本。